Sport ınfraqurylymyn damytýdyń 2025 jylǵa deıingi kestesi ázirlenip jatyr - Úkimet
«Mádenıet jáne sport salasynda 2025 jylǵa deıin aýyldyq jerlerde 259 mádenıet úıin salý jáne jóndeý jumystarymen 1241 mádenıet nysanyn qamtý josparlanǵan.
Bul óte qajetti baǵyt. Sondyqtan ultymyzdyń ónegeli ónerin zamanaýı mádenıetpen ushtastyra damytý úshin, eldegi ónerli jastardy qoldaý úshin bul jumystarǵa erekshe kóńil bólemiz», - dedi E. Toǵjanov.
Sonymen qatar ol turǵyndardy sport keshenderiniń jetispeýshiligi alańdatyp otyrǵanyn atap ótti.
«Byltyr 21 mlrd teńge kásipqoı sporttan buqaralyq sportqa qaıta baǵyttaldy. Qarajat negizinen balalar sport sektsııalaryn qarjylandyrýǵa jáne sport ınfraqurylymyn salýǵa jumsaldy. Nátıjesinde, 275 myńnan astam bala memlekettik tapsyrys boıynsha tegin sektsııalarmen qamtylǵan. 41 dene shynyqtyrý-saýyqtyrý kesheni paıdalanýǵa berildi.
Qazirgi kezde 2025 jylǵa deıin sport ınfraqurylymyn damytýdyń kestesi ázirlenýde, oǵan sáıkes eldi mekenderde 115 sport nysanyn salý josparlanyp otyr», - dedi Úkimet basshysynyń orynbasary.
«Koronavırýs pandemııasy densaýlyqtyń mańyzyn kórsetti. Búgingi kúni birlesken kúsh-júgerimizdiń arqasynda ınfektsııanyń taralýyn tejedik. Endi sportqa jáne dene shynyqtyrýǵa erekshe nazar aýdarýymyz qajet. Halqymyzda «aýyryp em izdegenshe – aýyrmaıtyn jol izde» degen naqyl sóz bar. Salaýatty ómir saltyn damytý baǵdarlamasyn iske asyrý arqyly densaýlyq salasyna jumsalatyn 300 mlrd teńge qarajatty únemdeýge bolatynyn aıtqym keledi. Barshańyzdy osy baǵdarlamany birlese iske asyrýǵa shaqyramyn», - dedi Eraly Toǵjanov.
Aıta keteıik, búgin Májilistiń jalpy otyrysynda óńirlerge shyǵý barysynda QR Parlamenti Májilisiniń depýtattaryna kelip túsken azamattardyń ótinishterin memlekettik organdardyń qaraý nátıjeleri talqylanyp jatyr. Depýtattardyń óńirlerge saparlary barysynda kóterilgen eki myńǵa jýyq suraq Úkimet tarapynan jan-jaqty saraptalyp, qaraldy.
Budan buryn habarlanǵandaı, E. Toǵjanov joǵary oqý oryndaryna beriletin granttar sany 75 myńǵa deıin ulǵaıtylatynyn aıtty. Onyń ishinde tehnıkalyq jáne ІT salalarǵa granttar 60%-ǵa deıin ósedi.
