Sport fotojýrnalıstıkasy tarıhyndaǵy iri kórme ótýde - Almaty
ALMATY. 9 qarasha. QazAqparat - Búgin Almatydaǵy Ortalyq kórme zalynda Nıkıta Basovtyń fotokórmesi ashyldy. Bul sporttyq fotojýrnalıstıkada el tarıhyndaǵy tuńǵysh iri kórme bolmaq.
«Men Olımpıada oıyndarynan keıingi úzilisti arnaıy kúttim. Jurtshylyqtyń bul sporttyq dodaǵa qatysty kóńil-kúıin kórgim keldi. Komandanyń Londondaǵy óneri úlken áser týǵyzyp, sport týraly burynǵydan kóbirek aıtyla bastady. Sondyqtan jaǵymdy sátterdi taǵy eske alýyna túrtki bolǵym keldi. Bul úshin kórmege 140 jumysymdy arnaıy iriktep aldym», - deıdi avtor. Qazaqstandaǵy sporttyq fotografııanyń órleýine tyń serpin berýdi maqsat etken N. Basov sporttyq sharalardy 2004 jyldan beri túsirip kele jatyr. Onyń muraǵatynda Vankýverdegi qysqy, Londondaǵy jazǵy Olımpıada oıyndary men Gýanchjoýdaǵy jazǵy Azııa oıyndarynyń jáne ulttyq qurama aıaqdopshylarynyń túzdegi matchtary men tennısshiler quramasynyń Devıs Kýbogy dodasyndaǵy saıystarynan túsirilgen qundy fotosýretter barshylyq. Qala turǵyndary men qonaqtarynyń tanymal sport fotogrofynyń bul kórmesin 19 qarashaǵa deıin tamashalaýǵa múmkindigi bar.
