Sport - birlikke bastaıtyn meıirimdi kúsh - M. Jumaev
ALMATY. QazAqparat -Men búgin Almaty Marafonyna qatysyp, kúnniń sáýlesinen de jarqyn áser aldym! Sport shynynda da birlikke bastaıtyn meıirimdi kúsh!
Búgin Almaty Marafonyna qatysyp, 42 shaqyrym 195 metrdi oıdaǵydaı júgirip ótken ataqty qazaq alpınısi Maqsut Jumaev «QazAqparat» tilshisine bergen suhbatynda osylaı dedi.
Onyń aıtýynsha, mundaı áleýmettik sporttyq sharalar adamdardyń áleýmettik belsendiligin arttyrady.
«Men búgin Almaty Marafonyna qatysyp, kúnniń sáýlesinen de jarqyn áser aldym! Sport shynynda da adamdardy birlikke bastaıtyn meıirimdi kúsh! Aıaǵymnyń sińiriniń tartylyp, aýyrǵanyna qaramaı, máreden júgirip ótken kezimde áıelim men balam kelip meni qushaqtaı aldy. Sondaǵy qýanyshymdy aıtyp jetkizý qıyn! Áıel-bala-shaǵammen osylaı kózime jas alyp qaýyshý úshin men kúnde osylaı júgirýge daıynmyn! Búkil otbasymen qatysýǵa bolatyn osyndaı áleýmettik jobalar otbasynyń birligin de arttyra túsedi. Biz myqty bola túsemiz! Sondyqtan, mundaı aktsııalardan qalys qalmańyzdar!», - dedi M. Jumaev.
