«Sport» atalymynda Danııar Eleýsinovke «Daryn» memlekettik jastar syılyǵy tapsyryldy

«2014 jyldyń sońǵy kúnderinde biz QR Úkimetiniń jastarǵa arnalǵan memlekettik «Daryn» syılyǵynyń laýreattaryn anyqtap, olarǵa búgin syılyq tapsyrýdamyz. «Daryn» syılyǵy búginde elimizdiń jastary men halyqtyń arasynda kózge túsip, túrli salalarda jaqsy kórsetkishterge jetkenderge tapsyrylatyny belgili. Syılyq 10 atalym boıynsha belgilendi. Osy marapat bizdiń memlekettik jastar saıasatyn iske asyrýdyń jolynda úlken úles beretin, jastarǵa úlken talap qoıatyn jáne olarǵa múmkindik beretin jaǵdaı»,-dedi QR Bilim jáne bilim vıtse-mınıstri Takır Balyqbaev.

Danııar Eleýsinov XXX jazǵy olımpıada oıyndarynyń qatysýshysy (London 2012 j.); Azııa chempıony (Iordanııa, 2003 j.), Álem chempıony (Almaty q.); Qazaqstan boksy tarıhynda Azııa oıyndarynyń birinshi eki dúrkin chempıony (Qytaı, 2010 j. jáne Koreıa, 2014 j.) QR boks boıynsha eńbegi sińirgen sport sheberi (2013 j.); Joǵary sporttyq jetistikteri úshin «Qurmet» ordenimen marapattalǵan (2013 j.); Bokstan QR Ulttyq qurama komandasynyń kapıtany.

Aıta keteıik, «Daryn» memlekettik jastar syılyǵyn 1996 jylǵy 7 tamyzda Qazaqstan Respýblıkasy Úkimeti bekitken jáne alǵashqy ret 1998 jyly berildi. Syılyq 35 jasqa deıingi el azamattaryna ǵylymı, shyǵarmashylyq jáne qoǵamdyq qyzmetteri úshin tapsyrylady. Syılyq talantty jastardy yntalandyrý jáne olardyń sińirgen eńbegin baǵalaý maqsatynda eki jylda bir ret beriledi.