Sport agenttigi jasóspirimder klýbtarynyń qysqaryp bara jatqanyna alańdaýly
ASTANA. 21 qazan. QazAqparat - Elimizde balalar men jasóspirimder dene shynyqtyrý klýbtarynyń sany ósýdiń ornyna jyldan jylǵa qysqaryp barady.
Eger 2011 jyly atalǵan klýbtardyń sany 651 bolsa, 2012 jyly 626 ǵana qalǵan. Bul týraly búgin Májilistegi Úkimet saǵatynda QR Sport jáne dene shynyqtyrý isteri agenttiginiń tóraǵasy Erlan Qojaǵapanov aıtty.
«Memleket basshysynyń mindetterine sáıkes, agenttik dene shynyqtyrý jáne sport salasynyń damýyna óńirler boıynsha taldaý júrgizgen bolatyn. Salaǵa júrgizilgen zertteýler kórsetkenindeı, elde buqaralyq sportty damytýdyń negizgi problemasy qajetti sport ınfraqurylymdarynyń jetispeýi bolyp tabylady. Byltyrǵy jyldyń qorytyndysy boıynsha respýblıkada 33 myń 347 sport ǵımarattary bar. Onyń ishinde 21 myń 450-i aýyldyq jerlerde ornalasqan. Sonyń ishinde dene shynyqtyrý sport nysandarynyń sany 7 myń 26 bolsa, sport mektepteri - 1 083, ala bilim berý mekemeleriniń sany 24 myń 938-di qurap otyr», deıdi E. Qojaǵapanov.
