SPORT: A.Slonova ýnıversıadanyń eki márte chempıony atandy
ASTANA. QazAqparat - 31 qańtar kúni Slovakııada ótip jatqan qysqy ýnıversıada qazaqstandyq shańǵyshy Anastasııa Slonova úshin asa sátti boldy.
A.Slonova erkin ádispen 15 kılometrge jarysýda úzdik shyqty. Ol márege eki shaqyrymdaı qalǵanda, ózimen taıtalasyp kele jatqan reseılik Svetlana Nıkolaeva men polıak Evelına Markesten qara úzdirip ketti. Bul - osymen A.Slonovanyń tórtinshi medali. Ol ýnıversıadada qos altyn, eki kúmis júldeni jeńip alyp otyr. Aıta keteıik, qorjynynda qazir úsh altyn, tórt kúmis medal bar Qazaqstan ulttyq quramasy komandalyq esepte burynǵysha ekinshi orynda keledi.
