Spodarenko Islam yntymaqtastyǵy oıyndarynyń altyn júldesine qol jetkizdi

ASTANA. KAZINFORM — Júzýden Qazaqstan áıelder quramasynyń ókili Sofıa Spodarenko Er-Rııadta (Saýd Arabııasy) ótip jatqan Islam yntymaqtastyǵy oıyndarynda top jardy, dep habarlaıdy Ulttyq olımpıada komıtetiniń baspasóz qyzmeti.

Qazaqstandyq sýda júzýshi 100 metrge batterflıaı ádisimen júzýde úzdik shyqty.

Ol qashyqtyqty 1:01.66 ýaqytta júzip ótti.

Túrkııa ókili Defne Tanıg ekinshi orynǵa ıe boldy — 1:02.05.

Al onyń otandasy Seher Kaıa úzdik úshtikti túıindedi — 1:02.42. 

Osydan buryn karateden Qazaqstan quramasynyń ókili Daııana Darenskaıa Er-Rııadta (Saýd Arabııasy) ótip jatqan Islam yntymaqtastyǵy oıyndarynyń qola júldegeri atanǵany belgili boldy.

Qazaqstandyq ziltemirshi Lıýbov Kovalchýk Er-Rııadta (Saýd Arabııasy) ótip jatqan Islam yntymaqtastyǵy oıyndarynda kúmis medal ıelense, Artem Antropov qola júlde enshiledi.