Spırtke úıirlik semizdikke soqtyrady
ASTANA. QazAqparat - Alkogoldi shamadan tys ishý baýyr aýrýlarymen qatar, kalorııalyq tamaqtardy shamadan tys paıdalanýǵa soqtyrýy múmkin. Slimming World («Aryqtaý álemi») uıymynyń tapsyrysymen zertteý júrgizgen ǵalymdar osyndaı qorytyndyǵa keldi, dep habarlady Rosbalt.
2 myńnan astam adammen saýaldama júrgizgen sarapshylar spırtke úıirlik pen kóbirek tamaqtanýdyń arasyndaǵy zańdylyqty anyqtady. Tamaqty kóp ishýge alkogoldiń áserinen saýaldamaǵa qatysýshylardyń 50 paıyzdan astamy ushyraǵan bolyp shyqty.
«Aıtalyq, araqty kóbirek simirgennen keıin alkogolǵa úıir adamdar 2 myń 829 kalorııany ádettegiden kóp tutynady eken. Bul tamaqqa qatysty. Shól qysqannan keıin ishilgen sýsyn taǵy 1 myń 476 kalorııa qosady. Іshetin adam kelesi kúni tańerteń orta eseppen taǵy 2 myń 51 artyq kalorııa alady», dep habarlaıdy MEDdaily . «Kóp jaǵdaıda budan keıin de eki lıtr syra ishken adam qımyldaýǵa erinip, teledıdar aldynda bas jazyp jatqandy durys kóredi. Saıyp kelgende, ǵalymdar ishkish adamdar aptasyna 900 gramǵa deıin salmaq qosatynyn eseptep shyǵardy. Al bul júrek-qan tamyrlary aýrýlaryna, qant dıabetine jáne qaterli isikke dýshar etýi múmkin. Mundaı saldarlardyń basty sebebi - alkogoldiń áserimen ishetin adamdar ózin baqylaýdan shyǵaryp alady, dep sanaıdy sarapshylar.
