Spıdveı boıynsha álem chempıony jarys kezinde mert boldy
ASTANA. 14 mamyr. QazAqparat - Spıdveı boıynsha álem chempıony, 33 jastaǵy brıtandyq Lı Rıchardson Polshanyń Vrotslavyndaǵy jarys kezinde opat boldy, dep habarlaıdy Ýtro.rý.
Jergilikti dárigerlerdiń aqparatynsha, jarysýshy keýde qýysyna aýyr jaraqat aldy jáne kóp uzamaı aýrýhanada kóz jumdy.
Brıtandyq spıdveı qaýymdastyǵy onyń otbasyna kóńil aıtyp, sportshynyń qaıtys bolýy týraly resmı málimdeme jasady.
Rıchardson buǵan deıin 21 jasqa deıingi jas ereksheligindegi motojarystar boıynsha álem chempıony bolǵan.
