«Speshıal Olımpıks Qazaqstan» quramasy iri halyqaralyq jarystarǵa qatyspaq
;ALMATY. Jeltoqsannyń 10-y. QazAqparat /Ádilet Musahaev/ - «Speshıal Olımpıks Qazaqstan» (SOK) quramasy kelesi jyly Varshavada ótetin Eýropalyq-Eýrazııa oıyndaryna, al 2011 jyly Afınyda ótetin jazdyq álemdik oıyndarǵa qatysady.
Bul jarystarǵa qatysý múmkindigin sporttyq nátıjeleri berip otyr. Bul jaıynda SOK prezıdenti Asylhan Samratov búgin ótken baspasóz máslıhatynda málim etti, dep habarlaıdy QazAqparat.
2009 jylǵy sporttyq merzim SOK úshin mańyzdy boldy. Qurama komanda AQSh-ta ótken álemdik qysqy arnaıy olımpıadalyq oıyndarǵa qatysqan. Atletter taý shańǵysy, shańǵy tebý, konkımen syrǵanaý, mánerlep syrǵanaý jáne hokkeı oınaýda óz sheberlikterin kórsetti. Oıyn qorytyndysy boıynsha 29 medal jeńip aldy, onyń 12-si - altyn, 8-i - kúmis jáne 9-y - qola. Sondaı-aq olar Italııada, Germanııada, Ispanııada ótken Eýropalyq týrnırde sporttyń ár túri boıynsha joǵary kórsetkishterge qol jetkizdi.
«Qazirgi tańda 2012 jyly Astanada ashyq qysqy Eýropa-Eýrazııa arnaıy olımpıadasyn sporttyń tórt túri boıynsha ótkizý ıdeıasyn kóterip otyrmyz», deıdi A. Samratov.
