Spektaklder, kontsertter, kórmeler: Nur-Sultanda osy aptada ótetin mádenı sharalar
Qala turǵyndary men qonaqtaryn Táýelsizdiktiń 30 jyldyǵyna jáne basqa da mereıtoılyq kúnderge arnalǵan spektaklder, kórmeler, kontsertter, tanymdyq dárister kútedi.
Máselen, osy aptadaǵy bes qoıylym M. Gorkıı atyndaǵy memlekettik akademııalyq orys drama teatrynda kórsetiledi.
8 jeltoqsanda saǵat 11:00 jáne 14:00-de, sondaı-aq 10 jeltoqsanda saǵat 11:00-de teatrdyń kishi zalynda M.Bartenevtiń «Snegýrýshka» ertegisin kórýge bolady. 8 jeltoqsan kúni keshke Gorkıı teatry jurtshylyqty G.Gorınniń «Kın IV» tragıkomııalyq qoıylymyna shaqyrady. Sol kúnniń ertesinde kórermender M.Makdonahtyń «Chelovek-podýshka» qara detektıvin kóre alady. 11 jeltoqsan kúni saǵat 17:00-de teatrda S.Seıfýllın, B.Maılın, І.Jansúgirov shyǵarmalarynan mýzykalyq-poetıkalyq kompozıtsııa qoıylady. Demalys kúnderi, 11 jáne 12 jeltoqsanda R.Tomnyń «Vosem lıýbıaşıh jenşın» detektıvtik tragıkomedııasy jurtshylyq nazaryna jol tartady.
Búgin, 6 jeltoqsan kúni saǵat 19:00-de «Jastar» teatry І.Esenberlınniń «Ǵashyqtar» dramasynyń premerasyna shaqyrady.
7 jeltoqsan kúni saǵat 15:00-de Mýzykalyq jas kórermen teatrynda kórnekti aqyn Muqaǵalı Maqataevtyń 90 jyldyǵyna oraı «Mahabbat-Júrek» mýzykalyq-poetıkalyq spektakli kórsetiledi. 9 jáne 14 jeltoqsan kúnderi saǵat 15:00-de dál osy sahnada «Zolýshka» mýzykalyq ertegisi qoıylady.
10-12 jeltoqsanda elordanyń Qýyrshaq teatry A.Salaevanyń «Aldar kósemen tanyssyń ba?» halyq ertegisin qoıady.
9 jáne 10 jeltoqsan saǵat 19:00-de Erkeǵalı Rahmadıev atyndaǵy memlekettik akademııalyq fılarmonııa «ALEM» estradalyq bı ansambliniń 5 jyldyǵyna oraı «Inside» bı keshin ótkizedi. Jurt nazaryna otandyq jáne sheteldik kompozıtorlardyń mýzykasy negizinde zamanaýı eksperımenttik horeografııa usynylady.
11 jeltoqsanda «Astana» sahnasynda Alash qaıratkerleri Álıhan Bókeıhanovtyń 155 jyldyǵyna arnalǵan «Saryarqa» folklorlyq ansambliniń «Abyz babam» kontserti ótedi. Ansambldiń kórkemdik jetekshisi – «Mádenıet salasynyń úzdigi» Toǵjan Jahın. Keshte «Mádenıet úzdigi» Seken Syzdyq, «Daryn» memlekettik jastar syılyǵynyń ıegeri Altynbek Ábilda, respýblıkalyq baıqaýlardyń laýreattary Saýlejan Taǵzııa, Nurjan Meıirhan, Jaqsygeldi Maıasarov, Alýa Qalymbekova, Ózgeris Sherikbaı, Shyǵys Mahan, Áıgerim Kúlshına jáne «Álem» estradalyq bı ansambli óner kórsetedi.
Osy aptada «Jastar» saraıy áleýmettik jelilerde «Mýzykalnoe assortı. «Poıýt Vse!» is-sharasyn ótkizedi. Onda ótken jyldary karaokeden chempıonatqa qatysqandardyń shyǵarmashylyq nómirlerin kórýge bolady. Sondaı-aq, balalar men eresekter úshin elordada quqyq buzýshylyqtardyń aldyn alý boıynsha tanymdyq vıktorına ótkiziledi.
Ortalyqtandyrylǵan kitaphana júıesi de birqatar is-shara daıyndady. Búgin № 5 balalar kitaphanasy oqyrmandardyń 20 jeltoqsanǵa deıin jalǵasatyn «Bizdiń júregimiz táýelsizdik úshin kúresedi» atty onlaın sýret baıqaýyn bastady. Mıchýrın kentindegi №10 kópshilik kitaphanasy 9 jeltoqsan kúni balalarǵa sybaılas jemqorlyq týraly túsindirý maqsatynda «Sybaılas jemqorlyqqa jastardyń kózqarasy» atty is-shara uıymdastyrady. 10 jeltoqsanda № 3 balalar kitaphanasy «Tarıh tolqynynda», al №8 balalar kitaphanasy «Qazaqstan – úlken úı. Biz munda úlken otbasymyzben turamyz!» is-sharasyn ótkizedi. Dál osy kúni №5 buqaralyq kitaphana oqyrmandardy Janqoja Nurmuhamedov bastaǵan ult-azattyq kóterilistiń 165 jyldyǵyna arnalǵan «Janqoja batyr» atty aqparat saǵatyna shaqyrady. 12 jeltoqsanda № 12 buqaralyq kitaphana «Álem moıyndaǵan el – Qazaqstan» atty onlaın-tarıhı vıktorına daıyndaıdy.
Búgin, 6 jeltoqsanda saıası qýǵyn-súrgin jáne totalıtarızm qurbandarynyń «ALJIR» memorıaldy-murajaı kesheni QR Táýelsizdiginiń 30 jyldyǵyna, 1986 jylǵy Jeltoqsan oqıǵasynyń 35 jyldyǵyna arnalǵan «Tekti sózdiń tóresi – terme» taqyrybynda is-shara ótkizedi. Sondaı-aq, «Máńgilik El» saltanat qaqpasy sýretshi T.Baıǵalıevtiń shyǵarmashylyq joly týraly beınerolık jarııalady.
«Atameken» Qazaqstan kartasy» etno-memorıaldyq kesheni óziniń áleýmettik jelilerdegi akkaýnttarynda 8 jeltoqsanda Qurmanǵazy Saǵyrbaıulynyń týǵanyna 215 jyl tolýyna oraı «Kúı atasy – Qurmanǵazy» atty onlaın-dáris ótkizedi, al 10 jeltoqsanda adam quqyqtary kúnin atap ótedi.
Sáken Seıfýllın murajaıy seifullin_museum(Instagram), (Facebook) paraqshalarynda apta boıy aqynnyń ómirinen tanymdyq aqparatty, murajaı qyzmetiniń damýy týraly zertteýlerdi jarııalaıdy, sondaı-aq onlaın rejımde «Qazaq tili – meniń taǵdyrym» dóńgelek ústelin ótkizedi.
Tarıhı-mádenı mura eskertkishteri men obektileriniń saqtalýyn qamtamasyz etý jónindegi dırektsııa «Kıeli karta. Elordanyń eskertkishteri men obektilerindegi Nur-Sultannyń tarıhy» jáne «Elimizdiń táýelsizdik jyldary turǵyzylǵan Nur-Sultannyń eskertkishteri» taqyryptarynda el Táýelsizdiginiń 30 jyldyǵyna arnalǵan baıandamalar oqylady.
Barlyq is-shara sanıtarlyq normalar men karantın talaptaryn qatań saqtaı otyryp ótkiziledi.
