«Spassk» polıgonynda ofıtser-komandırlerdiń jıyny óristetildi (FOTO)

ASTANA. QazAqparat - «Astana» óńirlik qolbasshylyǵyna qarasty «Spass» oqý-jattyǵý ortalyǵynyń bazasynda batalon komandırleri men shtab bastyqtarynyń on kúndik jıyny bastaldy. 20-dan asa ofıtserge óziniń teorııalyq daıyndyǵyn kórsetip, komandırlerdiń negizgi áskerı pánderi, ıaǵnı, áskerı pedagogıka, psıhologııa, halyqaralyq gýmanıtarlyq quqyq boıynsha bilimderin shyńdaýǵa týra keledi, dep habarlady QR Qorǵanys mınıstrliginiń baspasóz qyzmeti.

«Jıyn barysynda ofıtserlerdiń joǵary moraldyq-jaýyngerlik qasıetterin, moraldyq-psıhologııalyq turaqtylyǵyn qalyptastyrýǵa, zamanaýı urystyń shynaıylyǵyna sáıkes shyǵarmashylyq oılaý men bastamashyldyqty damytýǵa erekshe mán beriledi», - dep túsindirdi jıyn jetekshisi ıÝrıı Asqarov.

Onyń aıtýynsha, bul sabaqtar «Astana» óńirlik qolbasshylyǵy bólimderi men bólimsheleriniń udaıy jaýyngerlik ázirligin ustap turýǵa kómektesedi. Mundaı jıynnyń arqasynda áskerı qyzmetshiler ózderiniń fýnktsıonaldyq mindetterin sheber ári senimdi oryndaý úshin kásibı daıarlyqtaryn shyńdaıdy. Sonymen birge ofıtserler, batalon komandırleri men shtab bastyqtary úshin jıyn ótkizý - bul teorııalyq bilimdi bekitýdiń, negizgi oqytý pánderi boıynsha basshylyq qujattardyń talaptarymen tanysýdyń, sondaı-aq qyzmettik tapsyrmalardy júzege asyrý úshin paıdaly aqparat alýdyń naǵyz múmkindigi.

Jıyn qorytyndysy boıynsha batalon komandırleri men shtab bastyqtaryna jaýyngerlik, tehnıkalyq jáne tyldyq qamtamasyz etýdiń barlyq túrleri boıynsha testileý tapsyrý qajet bolady. Sonyń nátıjesinde jıyndy oıdaǵydaı aıaqtaǵan úzdik áskerı qyzmetshiler anyqtalady.