Spartakıada kezinde kóz jumǵan muǵalim óliminiń sebebi anyqtalyp jatyr

KÓKShETAÝ. QazAqparat - Aqmola polıtsııasy spartakıada kezinde kóz jumǵan 43 jastaǵy muǵalimniń ólimine qatysty mán-jaıdy anyqtap jatyr, dep habarlaıdy QazAqparat tilshisi.

«Polıtsııa 1979 jylǵy áıeldiń ólimi boıynsha tergeý amaldaryn júrgizýde. Qaıǵyly jaǵdaı 28 naýryz kúni Birjan sal aýdanynyń Stepnıak qalasynda muǵalimder arasynda ótken spartakıada kezinde bolǵan. Tekserý qorytyndysyna saı áıeldiń denesinde zorlyq-zombylyqtyń belgileri joq. Qazirgi ýaqytta polıtsııa qyzmetkerleri oqıǵanyń búkil egjeı-tegjeıin anyqtap jatyr»,-dep túsindirdi Aqmola oblysy polıtsııa departamentiniń baspasóz qyzmetinen.

Vedomstvodan atap ótkendeı, ózge aqparat tergeý múddesi úshin jarııalanbaıdy.

Eske sala ketsek, naýryzdyń 28-de Aqmola oblysynda mektep qyzmetkerleri arasynda ótken «Muǵalim-2022» aımaqtyq spartakıadasy kezinde Mamaı orta mektebi dırektorynyń oqý-tárbıe isi jónindegi 43 jastaǵy orynbasary kóz jumǵan bolatyn.

Voleıbol oıyny barysynda muǵalim ózin jaısyz sezinip, alańnyń syrtyna shyǵyp otyrady. Sol jerde qulap, esin joǵaltady.

Ol jedel járdem brıgadasy kelgenshe kóz jumdy.