«Spanch Bob» mýltfılminiń 400-den astam serııasy qazaqsha aýdaryldy

ASTANA. QazAqparat – 2023 jyldan bastap Nickelodeon telearnasy «Sharshy shalbar Spanch Bob» mýltfılminiń 400-den astam serııasyn qazaq tilinde kórsetedi. Bul týraly atalǵan telearnanyń vıtse-prezıdenti Marııa Kosareva aıtty, dep habarlaıdy QazAqparat tilshisi.

«Kelesi jyly kishkentaı kórermenderimiz tamashalaıtyn kontentke qysqasha toqtalyp ótsem. Ol - «Korall» lageriniń jalǵasy, ıaǵnı «Sharshy shalbardyń» (Spanch Bob) balalyq shaǵy. Bul dostyq jaıyndaǵy tamasha oqıǵa jáne ártúrli adamdardyń ortaq til tabysýy jaıynda syr shertedi. Mýltfılm - International men Nickelodeon Úndistannyń birlesken týyndysy», - dedi ol elordada ótip jatqan І Ortalyq Azııa medıaforýmynda.

Onyń aıtýynsha, oqıǵa jelisinde eki aǵaıyndy ýaqyt mashınasyn taýyp alyp, saıahatqa shyǵady.

Mýltfılmde batys pen shyǵystyń mádenıeti tamasha úılestirilgen.

«Jalpy kelesi jyly kórermen 400-den astam serııany qazaq tilinde tamashalaýǵa múmkindik alady. Munan ózge de tosynsyılar ázirlep jatyrmyz», - dedi Marııa Kosareva.

Foto: Nickelodeon Animation Studio