SpaceX-tiń quny Amazon-nan asyp tústi
ASTANA.KAZINFORM - Aktsııalarynyń baǵasy kúrt óskennen keıin SpaceX kompanııasy Amazon kompanııasyn basyp ozyp, álemdegi besinshi eń qymbat kompanııa atandy, dep habarlaıdy VVS.
Nasdaq bırjasynda alǵashqy ornalastyrý (IPO) boıynsha debıýt jasaǵannan keıin SpaceH baǵaly qaǵazdarynyń quny 50% - dan asty.
Ilon Masktyń eń iri kompanııasynyń aktsııalary seısenbide taǵy 13%-ǵa ósti. Bul SpaceX kompanııasynyń naryqtyq kapıtalızatsııasyn shamamen 2,78 trıllıon dollarǵa jetkizip, qazirgi ýaqytta 2,66 trıllıon dollarǵa baǵalanǵan Amazon kompanııasynan asyp tústi.
Saýda kezinde SpaceX kompanııasynyń naryqtyq kapıtalızatsııasy 2,97 trıllıon dollarǵa deıin ósti, biraq sodan keıin azdap tómendedi. Kúnniń birinshi jartysynda ol Microsoft kompanııasyn da basyp ozyp, álemdegi tórtinshi iri kompanııa atandy.
IPO Ilon Maskty álemdegi alǵashqy trıllıoner etti. San-Frantsıskoda ornalasqan Anysphere kompanııasyna tıesili jasandy ıntellekt baǵdarlamalyq jasaqtama startapy Cursor kompanııasyn 60 mıllıard dollarǵa satyp alǵany týraly habarlandyrýdan keıin kompanııanyń quny taǵy óse tústi.
-Jalpy alǵanda, bólshek saýda ınvestorlary sońǵy eki saýda sessııasynda ótken aptada AQSh qor naryǵyndaǵydaı kóp SpaceX aktsııalaryn satyp aldy, - dedi Vanda zertteý fırmasynyń analıtıkteri.
Sonymen qatar, sarapshylar ınvestorlardy saqtyqpen áreket etýge shaqyryp, bolashaqtaǵy tabysynyń belgisizdigine baılanysty mundaı joǵary baǵalaýdyń negizdiligine kúmán keltiredi.
SpaceX-tiń naryqtyq quny Amazon-nyń qunynan asyp túskenine qaramastan, kompanııalardyń qarjylyq kórsetkishteri aıtarlyqtaı erekshelenedi.
2026 jyldyń birinshi toqsanynda Amazon 30,3 mıllıard dollar paıda tapty, al SpaceX 4,3 mıllıard dollar shyǵynǵa ushyrady.
2025 jyly Djeff Bezos kompanııasynyń kirisi shamamen 716,9 mıllıard dollardy, al SpaceX-tiń kirisi 18,67 mıllıard dollardy qurady.
Buǵan deıin SpaceX IPO-sy kompanııanyń 4 myńnan astam qyzmetkerin mıllıoner etkeli turǵany týraly boljam habarlama jarııalaǵan bolatynbyz.
