SpaceX orbıtaǵa 49 ınternet-spýtnık ushyrady

VAShINGTON. QazAqparat - SpaceX kompanııasy dúısenbi kúni orbıtaǵa 49 shaǵyn jerserigin ushyrady. Maqsat – Starlink júıesiniń ǵalamdyq ınternet-qamtý jelisiniń orbıtalyq toptamasyn tolyqtyrý, dep habarlaıdy QazAqparat tilshisi ázirleýshi kompanııaǵa silteme jasap.

Starlink ǵarysh apparattary bar Falcon 9 zymyran-tasyǵyshy 30 qańtarda Kalıfornııadaǵy Vandenberg ǵarysh kúshteri bazasynan ushyrylady.

SpaceX qurastyrýshylary bastapqyda ushyrylym jeksenbi, 29 qańtarǵa josparlanǵanyn aıtty. Biraq kompanııa ushyrylym aldynda qosymsha tekserý júrgizý úshin orbıtalyq mıssııany bir kúnge keıinge qaldyrdy.
Falcon 9 zymyran-tasyǵyshy keńjolaqty ınternetke qosylý úshin taǵy 49 shaǵyn jerserikti qosý arqyly Starlink spýtnıkteriniń partııasyn Jer mańynyń tómengi orbıtasyna shyǵarýdy josparlap otyr.

Josparǵa sáıkes, zymyran-tasyǵysh ushyrylǵannan keıin 8,5 mınýttan soń Jerge oralady jáne Tynyq muhıtyndaǵy Kalıfornııa jaǵalaýynda, bazadan 655 shaqyrym jerde ornalasqan ushqyshsyz ǵarysh apparatyna tik qonýy qajet.
Dúısenbi kúngi ushyrý SpaceX úshin bıylǵy jetinshi jáne Starlink-tiń osy jylǵy úshinshi mıssııasy bolmaq.
Qurastyrýshy kompanııa qazirdiń ózinde 3800-ge jýyq Starlink ınternet spýtnıkterin ushyrdy. Olardyń keıbireýleri jumysyn toqtatty nemese orbıtadan shyǵyp ketti, shamamen 3,5 myń qurylǵy ǵaryshta áli de jumys istep tur.
Bolashaqta SpaceX osyndaı qurylǵydan turatyn 12 myń orbıtalyq toptama ornalastyrýdy josparlap otyr. Sonymen qatar, kompanııa bolashaqta taǵy 30 myńǵa jýyq qurylǵy ornalastyrýǵa ótinim berdi.

Foto: teslarati.com