SpaceX kompanııasy 60 ınternet-baılanys spýtnıgin ushyrdy

NUR-SULTAN. QazAqparat - Internettiń álemniń kez kelgen núktesinde qoljetimdi bolatyn ýaqyty kelip qalǵan sııaqty. Búgin túnde Ilon Masktyń Starlink jobasy adamzattyń osy maqsatqa jetýine yqpal etti, dep habarlaıdy QazAqparat The New York Times saıtyna silteme jasap.

Beısenbi kúni túnde SpaceX kompanııasy Florıda shtaty Kanaveral múıisinde AQSh ÁQK bazasynan 60 ınternet-baılanys spýtnıgi ushyrdy. Bir saǵat ótkennen keıin, Jerden 270 mıl bıiktikte Starlink spýtnıkter toby olardy orbıtaǵa jetkizgen zymyrannan ajyrady.

Ilon Mask Twitter-degi resmı akkaýntynda spýtnıkter tobynyń sátti ushyrylǵanyn rastap, sýret jarııalady.

Kompanııanyń josparyna sáıkes, kelesi jyly Starlink júzdegen spýtnıgi Jerdiń ústindegi «shoqjuldyzǵa» aınalyp, álemniń kez kelgen núktesinde ınternetti qamtamasyz etetin bolady. Spýtnıkterdiń árqaısysy 500 fýntty quraıdy. Olar tek kún batareıasymen jumys isteıdi.

2015 jyly SpaceX kompanııasy Starlink jobasyn ınternetke jahandyq qoljetimdilikti qamtamasyz etý maqsatymen jasady. Joba aıasynda 11 myń spýtnık ornalastyrylady. Bul jobaǵa 10 mlrd AQSh dollary jumsalmaq.