SpaceX kompanııasynyń burynǵy qyzmetkerleri Ilon Maskty sotqa berdi
NЬıÝ-IORK. KAZINFORM – 2022 jyly jumystan bosatylǵan SpaceX qyzmetkerleri mıllıarder Ilon Masktyń ústinen Kalıfornııa sotyna shaǵym túsirdi. Bul týraly Anadoly agenttigi jazdy.
AQSh-tyń ǵaryshtyq tehnologııalar kompanııasynyń burynǵy qyzmetkerleri jumys jaǵdaıyn «janýarlar baspanasyna» teńep, basshylyqty synǵa alyp, hat jazǵany úshin jumystan shyǵardy dep málimdegen.
Shaǵymdanýshy avtorlardyń tórteýi hat basshylyqqa qaraýǵa berilgennen keıin birden, al, qalǵandary ishki tekserýler aıaqtalǵannan keıin jumystan bosatylǵanyn alǵa tartady.
Dálel retinde, talap-aryzda Masktyń áleýmettik jelidegi jazbalary bar, ony shaǵymdanýshylar «masqara» dep atady.
Jumystan shyǵarylǵan qyzmetkerler SpaceX-tiń nashar jumys ortasy týraly shaǵymdary jıi elenbeıtinin aıtady. Talapkerler kompanııadan «jumystan ádiletsiz bosatylǵany» úshin qarjylyq ótemaqy talap etip otyr.
