SpaceX kompanııasy Starship zymyranyn onynshy márte ushyryp, Úndi muhıtyna qondy
ASTANA. KAZINFORM – Amerıkalyq SpaceX kompanııasy seısenbi kúni 10-shy ret Starship ǵarysh kemesiniń prototıpi bar zymyran tasyǵyshyn ushyrdy, dep habarlaıdy TASS aqparat agenttigi.
Amerıkalyq SpaceX kompanııasy artqy bóliginiń zaqymdanǵanyna qaramastan Úndi muhıtyna sátti qonǵan Starship ǵarysh kemesi prototıpi bar zymyranyn onynshy márte ushyrdy.
- Bul – sýǵa qoný, - dedi kompanııanyń X paraqshasynda júrgizilgen kórsetilim júrgizýshisi. Starship prototıpin qańtar, naýryz jáne mamyr aılarynda úsh ushyrý áreketi sátsiz aıaqtalǵan edi.
Splashdown confirmed! Congratulations to the entire SpaceX team on an exciting tenth flight test of Starship! pic.twitter.com/5sbSPBRJBP
— SpaceX (@SpaceX) August 27, 2025
Osy ushyrý barysynda kompanııa alǵash ret Starship júk qoımasynan Starlink baılanys júıesi spýtnıkteriniń segiz sımýlıatoryn shyǵara aldy. Ázirleýshiler muny buǵan deıin aldyna maqsat etip qoıǵanmen, tehnıkalyq aqaýlarǵa baılanysty ony júzege asyrý múmkin bolmaǵan. Budan basqa, kompanııa Raptor qozǵaltqyshyn sátti qaıta iske qosty jáne kemeniń Jerge oralýy kezinde senimdiligin arttyrýǵa baǵyttalǵan jaqsartýlardy synady.
Liftoff of Starship! pic.twitter.com/d6d2hHgMa0
— SpaceX (@SpaceX) August 26, 2025
Zymyran Tehastaǵy Starbase ushyrý alańynan shyǵys jaǵalaýy ýaqytymen saǵat 19:30-da ushyryldy. Ǵarysh kemesinen ajyraǵannan keıin ol baıaýlap, Meksıka shyǵanaǵyna qondy.
Bastapqyda ushyrý 24 tamyzǵa josparlanǵan, alaıda kompanııa jerústi júıeleriniń durys jumys istemeıtinin aıtyp, birneshe mınýt qalǵanda ushyrýdan bas tartty. 25 tamyzda apparatty iske qosýǵa aýa raıynyń qolaısyzdyǵy kedergi boldy.
Aıta keteıik, SpaceX ǵarysh kemesi synaq kezinde jaryldy.