SpaceX alǵash ret Starship kemesin Jer orbıtasyna shyǵardy
ASTANA. KAZINFORM — SpaceX kompanııasynyń Starship ǵarysh kemesi alǵash ret Jer orbıtasyna shyǵyp, Starlink jerserikterin ǵaryshqa shyǵardy, dep habarlaıdy BBC.
Ushyrý 28 qyrkúıekte Tehastaǵy Starbase ǵarysh aılaǵynan júzege asyryldy. Bul Starship kemesiniń 14-shi synaq ushýy boldy. Buǵan deıingi barlyq ushyrýlar sýborbıtalyq traektorııa boıynsha oryndalǵan.
Ushyrylǵannan keıin Starship kemesiniń joǵarǵy satysy Super Heavy údetkishinen bólinip, ol keıin Meksıka shyǵanaǵyna qondy.
Ushyrylymnan shamamen 18 mınýt ótken soń qozǵaltqyshtardyń biri isten shyqqan, alaıda SpaceX mamandary ushýdy jalǵastyrýǵa ruqsat bergen. Ushyrylymnan jarty saǵat ótpeı jatyp, keme alǵash ret Jer orbıtasyna shyqty.
Osydan keıin Starship 26 Starlink V3 jerserigin ǵaryshqa sátti shyǵardy.
Ushý ekıpajsyz júzege asyrylyp jatyr. Jospar boıynsha keme Jerdi birneshe ret aınalyp ushqannan keıin Tynyq muhıtyna qonady.
Buǵan deıin SpaceX AQSh-ta Starship úshin jańa ǵarysh aılaǵyn salatyny habarlanǵan bolatyn.
