SpaceX AQSh-ta Starship-ke arnalǵan jańa ǵarysh aılaǵyn salady
ASTANA.KAZINFORM - Amerıkalyq SpaceX kompanııasy AQSh-tyń Lýızıana shtatynda jańa ushyrý alańyn salady. Ol jerden jyl saıyn myńdaǵan Starship ǵarysh kemesin ushyrý josparlanǵan, dep habarlaıdy Report.
Bul týraly kompanııanyń resmı saıty habarlady.
SpaceX jobaǵa kem degende 100 mıllıard dollar ınvestıtsııa salýdy jáne 3 myńnan asa jumys ornyn qurýdy kózdep otyr. Jańa ǵarysh aılaǵy Lýızıananyń ońtústigindegi Vermılıon okrýginde ornalasady. Qurylys 2027 jyly bastalyp, ǵarysh aılaǵynan alǵashqy ushyrý 2029 jylǵa josparlanǵan.
- Starbase jylyna myńdaǵan Starship reısterin qoldaý úshin salynady. Bul avtonomdy ǵarysh aılaǵy otyn, elektr energııasyn óndiredi, - delingen málimdemede.
Qazirgi ýaqytta barlyq Starship ushyrylymdary Tehastaǵy Starbase arqyly júzege asyrylady.
SpaceX josparlaryna sáıkes, Starship júıesi Jerdiń tómengi orbıtasyna adam basqaratyn ushýlar, spýtnıkter ushyrý, sondaı-aq Aıǵa, Marsqa jáne basqa da aspan denelerine ushyrylatyn mıssııalar úshin paıdalanylady. Starship ǵarysh kemesi men Super Heavy zymyran tasymaldaǵyshynyń údetkishi birneshe maqsatta paıdalanýǵa jáne tik qonýǵa arnalǵan.
Buǵan deıin Qytaı ǵaryshqa ınternet spýtnıkteriniń jańa tobyn ushyrǵan bolatyn.
