SpaceX 56 jańa býyndy Starlink spýtnıgi bar zymyran tasymaldaǵyshyn ushyrdy
«Starlink-tiń 56 spýtnıginiń ǵaryshqa shyǵýy rastaldy» , - delingen kompanııanyń Twitter paraqshasynda.
Zymyrannyń ushyrylýy Kanaveral múıisindegi (Florıda shtaty) ǵarysh aılaǵynan jergilikti ýaqyt boıynsha 03:31-de júzege asyryldy. Falcon 9-dyń birinshi satysy shamamen 8,5 mınýttan keıin Atlant muhıtyndaǵy qalqymaly platformaǵa qondy.
Starlink jelisi salmaǵy 260 kg bolatyn kóptegen qurylǵylardy ornalastyrý arqyly ınternetke qoljetimdilikti qamtamasyz etýge arnalǵan.
SpaceX jalpy sany 11 myń spýtnıkti ushyrý jáne ony paıdalanýǵa berý 10 mlrd dollardy quraıdy dep esepteıdi. Kompanııanyń málimetinshe, ol 5G standartyna sáıkes keletin 1 Gb/s jyldamdyqpen keń jolaqty ınternetke qol jetkizýdi qamtamasyz ete alady.
2019 jyldyń mamyr aıynan bastap SpaceX orbıtaǵa 3,8 myńnan astam Starlink spýtnıgin ǵaryshqa shyǵardy.
