SpaceX 15 saǵatta tórt ǵaryshkerdi HǴS-qa jetkizdi

ASTANA. KAZINFORM — SpaceX kompanııasy senbi kúni tórt ǵaryshkerden turatyn jańa ekıpajdy Halyqaralyq ǵarysh stantsııasyna (HǴS) jetkizdi. Ekıpaj quramynda eki NASA astronavty, bir reseılik jáne bir japon ǵaryshkeri bar, dep habarlaıdy Euronews.

Crew Dragon kemesi Jerdi aınalyp ushyp júrgen HǴS-qa bar bolǵany 15 saǵatta jetti. Ǵarysh kemesi AQSh-tyń NASA Kennedı atyndaǵy ǵarysh ortalyǵynan ushyryldy. Bastapqyda ushý aýa raıyna baılanysty bir kúnge keıinge shegerilgen bolatyn.

Crew-11 mıssııasynyń quramynda NASA ókilderi Zena Kardman men Maık Fınke, japondyq Kımııa ıÝı jáne reseılik Oleg Platonov bar.

Kapsýla stantsııaǵa tirkelgen sátte Maık Fınke radıo arqyly:

— Sálem, ǵarysh stantsııasy! — dep habar berdi.

Zena Kardman men taǵy bir astronavt byltyrǵy SpaceX mıssııasynan shettetilip, olardyń ornyna Boeing Starliner kemesimen ushyp baryp, stantsııada qalyp qoıǵan NASA ushqysh-synaqshylary Býtch Ýılmor men Sýnı Ýılıams jiberilgen edi. Boeing kemesindegi aqaýlardyń saldarynan olardyń HǴS-taǵy bir aptalyq sapary toǵyz aıǵa deıin uzardy.

Watch Dragon and the Crew-11 astronauts dock with the @Space_Station → https://t.co/DIuBob7vs6 https://t.co/k5kYCy2Sdu

— SpaceX (@SpaceX) August 2, 2025

Fınke men ıÝı bastapqyda Starliner baǵdarlamasyna daıyndalyp júrgen, biraq bul keme qozǵaltqysh pen basqa da tehnıkalyq aqaýlarǵa baılanysty 2026 jylǵa deıin keıinge qaldyryldy. Sol sebepti olar SpaceX mıssııasyna qosyldy.

Al Oleg Platonov buryn «Soıýz» kemesiniń ekıpajynan densaýlyǵyna baılanysty shyǵarylǵan bolatyn.

Senbi kúni kelgen ekıpajben birge HǴS-ta ýaqytsha 11 adam boldy. Olardy sýyq sýsyndar men ystyq tamaqpen qarsy aldy. Jańa kelgender naýryzdan beri stantsııada bolǵan tórt ǵaryshkerdi aýystyrady, al olar sársenbi kúni Jerge oralady.

Aıta keteıik, bul jetkizý amerıkandyq standarttar boıynsha óte jyldam sanalǵanymen, HǴS-qa eń jyldam sapar – úsh saǵat – Reseıdiń atyna tıesili.