Sozylmaly aýrýy bar balalardy birinshi kezekte vaktsınalaý kerek - dáriger
«Revaktsınatsııa – koronavırýstyq vaktsınanyń úshinshi dozasyn alý. Keıde oǵan «údetkish» vaktsına termıni qoldanylady. Ýaqyt óte kele aǵzanyń ınfektsııadan qorǵalý deńgeıi tómendeıdi. Antıdeneler, V-lımfotsıtteri, lımfotsıtter men T-jad jasýshalary sekildi ımmýnıtettiń quramdas bólikteri qaıtadan jumys isteýi úshin vaktsınany qaıta egý kerek», -dedi ınfektsıonıst.
Ol qazirgi vaktsınalar tıimdi qorǵanys beretinin, biraq, ýaqyt óte kele álsireıtinin túsindirdi.
Býsterlik vaktsınalaý deneni koronavırýstyq ınfektsııanyń enýinen qorǵaýdy edáýir kúsheıtedi.
Perýza Aryqova koronavırýsqa qarsy vaktsınatsııa kez-kelgen adamǵa ruqsat etilgenin aıtty. Sozylmaly aýrýlary bar adamdar da vaktsınatsııadan ótedi.
«Koronavırýs sozylmaly aýrýlary bar adamdarda aýyr ótedi, tipti ólimge ákeledi. Infektsııa qan tamyrlarynyń tonýsyna, trombozǵa ákeledi. Sondyqtan men emhanada dárigermen keńeskennen keıin aýrýǵa shaldyqqan barlyq adamdarǵa ekpe jasaýdy usynamyn», - dep tolyqtyrdy №11 emhananyń dárigeri.
Qarsy kórsetilimder allergııanyń aýyr túrimen aýyratyn adamdar úshin, Gııen Bare aýrýy kezinde, júıke júıesiniń údemeli aýrýlary bar patsıentter úshin, mysaly, baqylanbaıtyn epılepsııa úshin bar.
Sozylmaly aýrýlardyń órshýi kezinde vaktsınatsııalaýǵa bolmaıdy.
Juqpaly aýrýlar dárigeri 12 jastan asqan jasóspirimderdi vaktsınatsııalaý óte mańyzdy ekenin atap ótti.
Onyń aıtýynsha, qaýip tobyna sozylmaly aýrýlary bar balalar kiredi, olardy birinshi kezekte egý kerek.
Sondaı-aq, jasóspirimderdi postkovıdtik sındromnan qorǵaýǵa bolady.
«Janama áserler týraly alańdamaýdyń qajeti joq, barlyq reaktsııalar qalypty. Vaktsınalaýdan soń ınektsııa ornynda aýyrsyný, teriniń azdap qyshýy, temperatýra, jalpy sýbfebrılıt, kataraldy kórinister, bas aýrýy túrinde reaktsııa bolýy múmkin, biraq ol qysqa merzimde ótedi»,- dedi dáriger.
