Nefrologııadaǵy jańa baǵyt: Qazaqstan Baký forýmyna qatysty
ASTANA. KAZINFORM — Osy kúnderi Baký qalasynda Túrki tildes elder federatsııasynyń nefrologtarynyń I Kongresi ótip jatyr. Atalǵan is-sharaǵa Qazaqstannan QR Densaýlyq saqtaý mınıstrliginiń bas shtattan tys nefrology, professor Saltanat Týǵanbekovanyń jetekshiligimen nefrolog dárigerler men ekstrakorporaldyq gemokorrektsııa mamandarynan quralǵan delegatsııa qatysyp jatyr. Bul týraly vedomstvonyń baspasóz qyzmeti málim etti.
Forýmnyń jumysyna Qazaqstan, Ázerbaıjan, Túrikmenstan, Túrkııa, Qyrǵyzstan jáne basqa da elderdiń ókilderi qatysýda. Sozylmaly búırek aýrýy — densaýlyq saqtaý salasyndaǵy jahandyq syn-qater Sozylmaly búırek aýrýy (SBA) densaýlyq saqtaý salasyndaǵy eń ózekti problemalardyń biri bolyp qala berýde. Saraptamalyq baǵalaýlarǵa sáıkes álemde árbir onynshy adam osy dertke shaldyqqan. SBA júrek-qantamyrlyq asqynýlar qaýpin aıtarlyqtaı arttyrady, ómir sapasyn tómendetedi jáne termınaldyq búırek jetkiliksizdigine ákelýi múmkin. Mundaı jaǵdaıda dıalız nemese búırek transplantatsııasy ómir úshin asa qajet.
— Qazaqstandaǵy jaǵdaı: myńdaǵan patsıent emdeýdi qajet etedi Qazirgi ýaqytta Qazaqstanda SBA-nyń ártúrli satysymen shamamen 26 900 patsıent anyqtalǵan. Eresek halyqtyń arasynda aýrýdyń taralýy 13%-dan asady (2,5 mıllıonnan astam adam). 14 000-nan astam patsıent gemodıalız alady (158 ambýlatorııalyq dıalız ortalyǵy jumys isteıdi), al 2 500-den astam adam búırekti transplantattaýynan keıin ómir súredi, — delingen habarlamada.
Qorshaǵan ortanyń qazirgi ózgeristeri syrqattanýshylyqtyń artýyna qosymsha áser etýde. Aýa lastanýy, jylý stresi, sýsyzdaný jáne ekstremaldy aýa raıy jaǵdaılary SBA-nyń damýy men údeýine yqpal etedi. Kongrestiń negizgi mindetteriniń biri — mamandardyń arasynda tájirıbe almasý, profılaktıkalyq sharalardy damytý, dıagnostıka men emdeý ádisterin jetildirý, sondaı-aq jańa tehnologııalar men medıtsınalyq sheshimderdi engizý. Іs-shara sheńberinde Túrki tildes elder nefrologtarynyń Joǵary saraptamalyq keńesi qurylyp, onyń quramyna professor S. K. Týǵanbekova saılandy.
— QR Densaýlyq saqtaý mınıstrliginiń bas shtattan tys nefrology quttyqtaý sóz sóılep, elderdiń arasyndaǵy kásibı ózara is-qımyl men yntymaqtastyqty nyǵaıtýdyń mańyzdylyǵyn atap ótti, — dep jazdy vedomstvodan.
Kongress qorytyndysy boıynsha sozylmaly búırek aýrýy bar patsıentterdi dıagnostıkalaý jáne emdeý tásilderin jańartý, sondaı-aq Qazaqstandaǵy nefrologııalyq qyzmetti odan ári damytý josparlanýda.
Qazaqstan Respýblıkasy Densaýlyq saqtaý mınıstrligi búırek aýrýlary bar patsıentterge medıtsınalyq kómektiń sapasyn arttyrý jáne zamanaýı halyqaralyq praktıkalardy engizý jumystaryn jalǵastyrady.
Buǵan deıin Qazaqstanda 4,6 myńnan astam adam aǵza transplantatsııasyn kútip júrgenin jazdyq.
