Sózge kelip, ustasyp qalǵan jigit eki dosyn oqqa baılady
ASTANA. 27 maýsym. QazAqparat - Shyǵys Qazaqstan oblysy Tarbaǵataı aýdany Aqjar aýylynyń dámhanasynan 37 jastaǵy eki turǵyn atys jaraqattarymen aýrýhanaǵa jetkizilgen. Olardyń biri esin jımastan, qaıtys boldy.
Bul týraly búgin ótken brıfıngte ІІM baspasóz qyzmetiniń basshysy Nurdildá Oraz málimdedi.
Polıtsııa qyzmetkerleri oqıǵa ornynan nómiri óshirilgen «Baıkal» tapanshasy men 2 gılza tapqan. Jedel-izdestirý is-sharalary barysynda, 31 jastaǵy aýyl turǵyny ustalǵan. Onyń buryn jábirlenýshimen ózara sózge kelip qalǵandyǵy belgili boldy. Ustalǵan adamǵa qatysty, 15 jylǵa deıin bas bostandyǵynan aıyrý jazasy kózdelgen qylmystyq is qozǵaldy.
