Sozaqtyń qos oǵlany kir tasyn kóterýden álem chempıony atandy - OQO
ShYMKENT. QazAqparat - Táýelsizdiktiń 25 jyldyǵy qarsańynda Ońtústik Qazaqstan oblysy Sozaq aýdanynyń qos birdeı sportshysy álem chempıony atandy, dep habarlaıdy aýdan ákimdiginiń baspasóz qyzmeti.
Aqtóbe qalasynda qazan aıynyń 26- 30 aralyǵynda kir tasyn kóterýden álem chempıonaty ótken bolatyn. Qazaqstanda tuńǵysh ret ótip otyrǵan bul chempıonatta aýylda kir tasyn kóterýshi jastardy jattyqtyryp júrgen Murat Serikbaev ardagerler arasynda qos saıystan 73 kg salmaq boıynsha altyn, uzyn tsıkldi kóterý erejesi boıynsha kúmis medaldiń ıegeri atansa, shákirti Qobylandy Orynbasarov qossaıys erejesinen altyn júlde ıelendi. Qos oǵlanymyz 24 kelilik kir tasyn urshyqsha ıirip, 35 meleketten qatysqan sportshylardyń arasynan top jaryp shyqty. Aqtóbe qalasyndaǵy «Qonys» sporttyq kesheniniń aspanynda memleketimizdiń kók týyn jelbiretip, ánuranyn asqaqtatyp qaıtty. Buǵan deıin Murat Serikbaev pen Qobylandy Orynbasarov oblystyq, respýblıkalyq chempıonattardyń birneshe dúrkin jeńimpazy jáne Eýropa chempıony bolǵan.
Aıta ketý kerek, Ońtústik Qazaqstan oblysynyń sportshylary qandaı baıraqty báseke bolsa da oljasyz oralyp kórgen emes. Sonymen qatar, oblysta sporttyń barlyq túrinen jattyǵýǵa múmkindikter qarastyrylyp, jaǵdaılar jasalǵan.
