Sozaqtaǵy ýran óndirýshi kompanııanyń 90 jumysshysynan koronavırýs anyqtaldy
SOZAQ. QazAqparat - Túrkistan oblysy, Sozaq aýdanyndaǵy ýran óndirýshi kompanııanyń 90 jumysshysynan koronavırýs anyqtaldy. Bul týraly óńirdiń bas sanıtar dárigeri Nurbek Nyshanov málimdedi, dep habarlaıdy QazAqparat tilshisi.
Nurbek Nyshanovtyń aıtýynsha, qazirgi tańda atalǵan kásiporynnyń «Moıynqum» men «Tórtqudyq» óndiristik ýchaskelerinde karantındik rejım kúsheıtilgen. 600-den asa qyzmetker arnaıy medıtsınalyq tekserýden ótkizilgen. Óńirde jyl basynan beri 335 adam COVID-19 juqtyrsa, mamandar kórsetkish kún sanap artyp otyrǵanyn aıtady. Máselen, oqý jyly bastalǵaly beri mektep oqýshylary arasynda 79 indet juqtyrý jaǵdaıy anyqtalyp, naýqastardyń basym bóligi onlaın oqý kezinde juqtyrǵany belgili bolǵan. Ustazdardyń arasynda da indetke shaldyqqandary tirkelgen. Oblysta vırýsty ásirese otbasyda jappaı juqtyrý derekteri kóbeıgen.
«Maqtaaral aýdanynda bir januıada bes nemese úsh adam vırýs juqtyrǵan jaǵdaı boldy. Ondaı jaǵdaı sondaı-aq, Saıram jáne Saryaǵash aýdanynda da tirkeldi. Bul naýqastardyń barlyǵy esepke alynyp. dárigerlik baqylaýǵa alynǵan. Úı jaǵdaıynda karantınge alyndy.
