Sozaqta «Sozaq qasireti» memorıaly ashyldy

TÚRKІSTAN. QazAqparat - Táýelsizdiktiń 30 jyldyǵy qarsańynda Túrkistan oblysy, Sozaq aýdanynda «Sozaq qasireti memorıalynyń» lentasy qıyldy.

Qasiret memorıaly 30 jyldary elimizdegi asharshylyq jáne Sozaq kóterilisinde qurban bolǵan myńdaǵan azamattarǵa arnaldy, dep habarlaıdy QazAqparat tilshisi.

Eskertkish Sozaq aýyldyq okrýgine kiretin kúre joldyń boıyndaǵy «Jastar saıabaǵynan» oryn tepti. Demeýshiler kómegimen turǵyzylǵan «Qasiret» memorıalynda Sozaq qasireti jaıly tolyq maǵulumat beretin kók taqta qoıylǵan. Eskertkishte QR prezıdenti Qasym –Jomart Toqaevtyń úndeýiniń tolyq mátini jazylǵan garnıt tastan taqta, Elbasy Nursultan Ábishuly Nazarbaevtyń «Táýelsizdik», «Máńgilik el», jáne qýǵyn-súrgin qurbandary jaıly aıtqan tujyrymjamalarynan úzindiler jazylǵan taqta bar.

Tarıhymyzdy túgendep, ótkenimizge baǵa berer is-sharaǵa elimizdiń túkpir túkpirinen zııaly qaýym ókilderi, qoǵam qaıratkerleri tarıhshy ǵalymdarmen qalamgerler qatysty. Shara barysynda oblys ákiminiń orynbasary Sáken Qalqamanov sóz sóılep, jyly lebizin bildirdi. Mámbet Qoıgeldi, Talas Omarbekov, Berik Ábdiǵalıuly, Hangeldi Ábjanov, Qalı Sársenbaev taǵy basqa el azamattary bul bastamaǵa joǵary baǵa berdi.

Igi isti uıymdastyryp, demeýshilik jasaǵan atpal azamat Orynbek Іbijanov, Beket Turǵaraev, Seksenbaı Turysbekov jáne taǵy basqa qadirli el azamattary ekenin atap ótken jón.