Sozaqta ótken aqyndar aıtysynyń jeńimpazyna 1 mln teńge berildi
TÚRKІSTAN. QazAqparat - Túrkistan oblysyna qarasty Sozaq aýdanynda respýblıkalyq aqyndar aıtysy ótti. «Syrly Sozaq» atty jyr dodasynda segiz arqaly aqyn qara sózdi qasterlep, aıtysty saǵyna kútken ońtústikterdi torqaly toımen quttyqtady, dep habarlaıdy QazAqparat tilshisi.
Sozaqtyń 90 jyldyǵyna oraı uıymdastyrylǵan alaman aıtysta elimizge tanymal aqyndar eldiń tarıhyn, mádenıeti men qoǵamdaǵy rólin, keshegisi men búginin, bolashaǵyn jyrǵa qosty.
Aıtys qortyndysynda úzdik óner kórsetken sóz zergerleri aqshalaı syılyqtarmen marapattaldy. Astana qalasynan kelgen Arýna Kerimbekqyzy men qyzylordalyq Móldir Aıtbaı, báıdibektik Qajymuqan Abzalov pen Ózbekstan Respýblıkasynan kelgen Qulmahan Dúısenovterge 100 myń teńgeden aqshalaı syılyq berildi.
Al, júldeli úshinshi oryn alǵan Shymkent qalasynan kelgen Nurlan Esenqulovqa 200 myń teńge, 2 oryndy ıemdengen pavlodarlyq Aspanbek Shuǵataevqa 300 myń teńge tapsyryldy. Al, 1 oryn alǵan sozaqtyq Qalıjan Bildásh 500 myń teńge ıelense, Túrkistan oblysynyń sýyryp salma aqyny Jarqynbek Naýshabekov bas júldeni qanjyǵasyna baılady. Aýdan ákimi Salyhan Polatov jeńimpazǵa 1 mln teńge kóleminde qarjylaı syılyqty tabys etti.
