Sozaqta mal urysy sıyrdy Audi kóligine syıǵyzyp jibergen

TÚRKІSTAN. QazAqparat - Polıtseıler reıd kezinde barymtashyny mal urlap bara jatqan jerinen qolǵa túsirdi, dep habarlaıdy QazAqparat tilshisi.

Oqıǵa Túrkistan oblysynyń Sozaq aýdanynda bolǵan.

Túngi reıdke shyqqan polıtseıler saǵat 03:00 shamasynda kúdik týdyrǵan «Aýdı 100» markaly avtokólikti tekserý úshin toqtatady.

Alaıda kólik júrgizýshisi zań talaptaryna baǵynbaǵan.

«Polıtseıler shara qoldanyp, kólikti toqtatty. Tekserý barysynda kóliktiń artqy oryndyǵynan iri qara mal tabyldy. Kúdikti jergilikti turǵynnyń malyn urlap, úıine aparmaqshy bolǵan. Sıyr aıǵaqty zat retinde tárkilenip, óz ıesine qaıtaryldy. Qazirgi tańda sotqa deıingi tergeý amaldary júrgizilip jatyr»,-delingen Túrkistan oblysy polıtsııa departamentiniń baspasóz qyzmeti taratqan habarlamada.