Sozaqta kásipker kópbalaly otbasyǵa baspana tartý etti

COZAQ. QazAqparat – Túrkistan oblysy Sozaq aýdanynda kásipker kópbalaly otbasyǵa baspana tartý etti. Qyzylkól eldi mekeninde ornalasqan turǵyn úı jaryqpen qamtylǵan, taza aýyz sý júıesi júrgizilgen, dep habarlaıdy QazAqparat tilshisi.

Qumkent aýyldyq okrýginiń tuǵyny Shegebaı Medeýbaıuly buǵan deıin alty balasymen jupyny úıdi panalap kelgen. Osyny eskergen aýdan ákimdigi «Qamqorlyq» jobasy aıasynda demeýshi taýyp, januıanyń baspanaly bolýyna qolǵabys etti. Іsker azamat kólemi 120 sharshy metr bolatyn alty bólmeli úı alyp berip, muqtaj jandy qýantty. Kásipker Sarybaevtar otbasyna osylaısha demeýshilik tanytyp, qoldaý kórsetti.

Aıta ketý kerek, Túrkistan oblysynda «Nur Otan» partııasy fılıalynyń bastamasymen iske asyp jatqan «Qamqorlyq» aktsııasy aıasynda Sozaq aýdanynan 67 otbasy bekitilgen. Olar azyq-túlikpen qamtamasyz etilip, qajetti kómekter kórsetilip keledi. Aýdan kóleminde turmysy tómen otbasylarǵa kómek kórsetý, tizimdegi otbasylardy úımen qamtamasyz etý aldaǵy ýaqytta da jalǵasyn tabady.

Aınur Aqbaeva