Sóz bostandyǵy QR Ata zańymen bekitilgen negizgi qundylyqtardyń biri - I.Rogov
ALMATY. 29 sáýir. QazAqparat /Erbol Azanbek/ - Sóz bostandyǵy - QR Ata zańymen bekitilgen negizgi qundylyqtardyń biri. Demokratııalyq quqyqtyq memleketti bul ınstıtýtsyz elestetý qıyn.
Bul týraly búgin Almatyda «QR BAQ týraly zańy jáne onyń halyqaralyq talapqa saı bolýy» taqyrybyna arnalǵan Joǵary sarapshylar keńesiniń otyrysy barysynda QR Konstıtýttsııalyq Keńesiniń tóraǵasy Igor Rogov aıtty.
«Qoǵamda ıdealdy eshteme joq. Adamnyń eki túrli quqyǵyn salystyryp, bireýin artyq qoıýǵa bolmaıdy. Sondyqtan kollızııalar men básekelestikten qasha almaımyz. Mysaly, sóz bostandyǵy men ulttyq qaýipsizdik degen túsinikterdi alyp qarasaq, birde-bir memlekette bulardyń bireýine artyq basymdylyq berip otyrǵan joq. Sóz bostandyǵy basqa bir adamnyń abyroıy men bedeline nsuqan keltirip jatsa, tym erkin bolýy da múmin emes»,- dedi I.Rogov.
«Kez-kelgen aqparatty berýge bolady. Alaıda bul adamnyń abyroıy men ataǵyna kir keltiretin, ótirikke toly bolsa taratý qajetsiz.Sondyqtan bul ınstıtýttyń qyzmeti barysynda belgili bir mólsherde shekteýler bolady. Alaıda qoǵam men memlekettiń jáne naqty adamnyń qyzyǵýshylyqtaryn qalaı úılestirýge bolady, bul rette muqııat jáne ǵylymı zertteý kerek»,- dedi I.Rogov.
