Sóz bostandyǵy men beıbit jınalys quqyǵy Konstıtýtsııada saqtalady – Nıkıta Shatalov

ASTANA. KAZINFORM – Konstıtýtsııaǵa engiziletin túzetýlerde sóz bostandyǵy men beıbit jınalystardy ótkizý quqyǵy saqtalatyny aıtyldy. Bul týraly Májilis depýtaty Nıkıta Shatalov Konstıtýtsııalyq reformalar jónindegi komıssııanyń úshinshi otyrysynda málimdedi.

Depýtattyń aıtýynsha, Qazaqstan Konstıtýtsııasynyń 18 jáne 32-baptaryna engiziletin redaktsııalyq naqtylaý tek formaldi sıpatqa ıe jáne azamattardyń negizgi quqyqtaryna áser etpeıdi.

– Bul baptardaǵy shekteýler burynnan bar edi, qazir tek olardy naqtylap otyrmyz. Jańa tyıymdar engizilmeıdi, tek qoǵam úshin mańyzdy normalardy túsinikti etip, qate túsindirilýine jol bermeý maqsatynda túzetilip jatyr, – dedi Nıkıta Shatalov.

Onyń sózinshe, usynylyp otyrǵan túzetýler azamattardyń sóz bostandyǵy men beıbit jınalys quqyǵyn burynǵy kóleminde saqtap, qoǵam men memleket arasyndaǵy senimdi nyǵaıta túsedi.

Aıta keteıik, Konstıtýtsııalyq reformalar jónindegi komıssııanyń kelesi otyrysy 28 qańtarda ótedi.