Soıýzmýltfılm «Gav atty marǵaý» men «Totyqus Keshanyń» jalǵasyn túsiredi
ASTANA. QazAqparat - «Soıýzmýltfılm» stýdııasy keńestik ýaqytta jáne postkeńestik kezeńniń alǵashqy jyldary kórermenniń súıikti mýltfılmderi bolǵan «Totyqus Keshanyń», «Prostokvashıno» jáne «Gav atty marǵaý» mýltıplıkatsııalyq fılmderin jasaýdy bıyl jalǵastyratyn boldy, dep habarlaıdy QazAqparat.
Stýdııa dırektory Borıs Mashkovtsevtiń aıtýynsha, basshylyqtyń aldynda turǵan basty maqsat - «Soıýzmýltfılmdi» naryqtyq ekonomıka jaǵdaıynda qarjylyq turǵyda tıimdi etý.
«Biz osy serıaldarǵa toqtadyq, sebebi olar qarjylyq táýekelder turǵysynan anaǵurlym qaýipsiz», - dep keltirgen Mashkovtsevtiń sózin RF Mádenıet mınıstrliginiń saıty.
2018-2020 jyldar aralyǵynda «Prostokvashıno» mýltfılminiń jańa 30 serııasyn shyǵarý josparlanýda. Sondaı-aq «Totyqus Keshanyń» tolyq metrajdy jalǵasy túsiriletin bolady. Budan bólek, "Plastılınkı, "Qyzǵylt sary sıyr", Kishkentaı batyrlar", "Tor kózdi Zebra" balalarǵa jol tartady.
