«Soıýz-TMA17M» ekıpajy Jerge 11 kún erte oralady

ASTANA. QazAqparat - Basqarylatyn «Soıýz-TMA17M» kemesiniń ekıpajy Jerge josparlaǵanynan 11 kún erte oralatynyna ókinish bildirýde, biraq «baǵdarlamanyń aty - baǵdarlama». Bul týraly ekspedıtsııadan jeltoqsanda oralatyn Halyqaralyq ǵarysh stansasynyń bortınjeneri, Roskosmos ǵaryshkeri Oleg Kononenko málimdedi, dep habarlaıdy TASS.

Bortynda ǵaryshker Kononenko, amerıkandyq astronavt Chell Lındgren jáne japondyq JAXA ǵarysh agenttiginiń mamany Kımııa ıÝı bar basqarylatyn "Soıýz-TMA17M" ǵarysh kemesi HǴS-ǵa 21 jeltoqsanda oralýy tıis edi, biraq kemeniń qonýy 11 jeltoqsanǵa aýystyrylǵan. Ushýdy basqarý ortalyǵynan kemeniń qonýy 11 jeltoqsan kúni saǵat 16:09-ǵa josparlanǵanyn túsindirdi.

«Bizde ushý basshysynyń bolashaq júk kemeleriniń starttary jáne bizdiń qonýymyzdyń aldyn ala datalary jazylǵan radıogrammasy bar. Ony bekitkende bári belgili bolady, biraq, árıne, erterek oralatynymyzǵa azdap kóńilimiz tústi. Alaıda baǵdarlamanyń aty baǵdarlama, oralǵan kezde, ońalyp, jańa starttarǵa daıyndalamyz», - dedi Kononenko «Halyqaralyq ǵarysh stansasynyń 15 jyldyǵyn atap ótý boıynsha «Máskeý-HǴS» baspasóz konferentsııasy kezinde.

HǴS-yn qurýda 14 el: AQSh, Reseı, Japonııa, Kanada, Italııa, Belgııa, Nıderlandy, Danııa, Norvegııa, Frantsııa, Ispanııa, Germanııa, Shvetsııa jáne Shveıtsarııa qatysyp otyr. Alǵashqyda qatysýshylardyń arasynda Ulybrıtanııa men Brazılııa da bolǵan, biraq olar keıin jobadan shyǵyp ketti.