«Soıýz MS-22» kemesiniń ekıpajy halyqaralyq ǵarysh stansasyna jetti
«Roskosmostyń» baspasóz qyzmeti málim etkendeı, «Soıýz MS-22» kemesi men «Rassvet» modýli arasyndaǵy ótpeli esikter ashylyp, 68-shi uzaq merzimdi ekspedıtsııa ekaıpajy – «Roskosmos» memlekettik korporatsııasynyń ǵaryshkerleri Sergeı Prokopev, Dmıtrıı Petelın men NASA astronavty Frantsısko Rýbıo bortqa ótedi.
HǴS-da áriptesterin «Roskosmos» kosmonavtary Oleg Artemev, Denıs Matveev pen Sergeı Korsakov, NASA astronavtary Chell Lındgren, Robert Haıns pen Djessıka Ýotkıns, sondaı-aq Eýropa ǵarysh agenttiginiń astronavty Samanta Krıstoforettı qarsy alady.
«Tsıolkovskıı» degen ataýǵa ıe bolǵan kememen HǴS-ǵa ekıpajben qatar, 120 kg paıdaly júk jetkizildi. Olardyń arasynda sanıtarııalyq-gıgıenalyq qamtamasyz etý jáne medıtsınalyq baqylaý quraldary, bort qujattary men qyzmettik apparatýranyń shyǵys elementteri, kosmonavtardyń kıim-keshegi men jeke zattary, tamaq ratsıony jáne azyq-túlik, sondaı-aq ǵylymı zertteýler júrgizýge qajetti qurylǵylar bar.
188 táýlik ishinde ekıpaj Reseı baǵdarlamasy boıynsha ashyq ǵaryshqa 5 ret shyǵyp, eki «Progress» júk kemesin qabyldap, ǵylymı-qoldanbaly zertteýler tsıklin atqarýy kerek.
Aıta ketsek, kemeniń Baıqońyrdan ǵaryshqa kóterilgeni qazaqstandyqtar úshin qyzyqty kórinis boldy. El turǵyndary optıkalyq kórinistiń fotolary men vıdeolaryn áleýmettik jelilerge jarysa júktedi.
