«Soıýz MS-06» ekıpajy Jerge qaıtýǵa daıyndalyp jatyr

ASTANA. QazAqparat - Dástúrdi qatań ustanatyn Halyqaralyq ǵarysh stasasynyń (HǴS) ekıpajy saltanatty jerge oralý rásimin ótkizdi, dep habarlaıdy «QazAqparat» HAA tilshisi.

28 aqpan kúni tańerteń quramynda AQSh astronavtary Mark Vande, Djozef Akaba jáne reseılik ǵaryshker Aleksandr Mısýrkın bar «Soıýz MS-06» tasmaldaýshy kemesi jerge qonady dep kútilýde.

Roskosmos baspasóz qyzmetiniń habarlaýynsha, 26 aqpan kúni HǴS-da komandırlerdiń kilt almasý rásimi ótkizildi.

Saltanatty rásimnen keıin NASA astronavty Skott Tıngl bir ekspedıtsııa aıaqtalyp, ekinshisi bastalar aldyndaǵy baıyrǵy teńizshiler saltymen qońyraý syńǵyrlatty. Orbıtadaǵy qyzmetti ary qaraı amerıkalyq Skott Tıngl, japon ǵaryshkeri Norıshıge Kanaı jáne reseılik Anton Shkaplerov jalǵastyrady.

Jerge túsirý apparaty atmosferaǵa jergilikti ýaqytpen 05:09 da kiredi dep josparlanǵan. «Soıýz MS-06» kapsýlasy qazaq dalasyna Astana ýaqytymen 08 saǵat 31 mınýtta qonbaq.

Halyqaralyq ekıpajdy Qazaqstannyń tótenshe jaǵdaılar jáne Reseıdiń izdeý-qutqarý qyzmetkerleri qarsy alady.