«Soıýz MS-02»-niń Baıqońyrdan ushyrylatyn boljamdy merzimi ataldy
BAIQOŃYR. QazAqparat - «Soıýz MS-02» basqarylatyn kólik kemesiniń ushyrylymyn 2016 jyldyń 19 qazanyna belgileý josparlanýda.
Bul týraly QR Investıtsııalar jáne damý mınıstrligi Aeroǵarysh komıtetine Reseıdiń Ǵarysh agenttiginen habarlady.
2016 jyldyń sońyna deıin josparlanǵan basqarylatyn «Soıýz MS-02», «Soıýz MS-03» kemelerin jáne «Progress MS-04» ǵarysh júk kemesin Halyqaralyq ǵarysh stansysyna (HǴS) ushyrýdyń naqty datasy memlekettik komıssııa jumysy aıaqtalǵan soń, birneshe kúnde belgili bolady, dep málimdedi Baıqońyrdaǵy derekkóz.
Buǵan deıin habarlanǵandaı, «Soıýz MS-02» kemesiniń ushyrylýy keıinge qaldyrylǵandyqtan Baıqońyrdan HǴS-qa ushyrylym kestesi qaıta túzetildi.
