«Soıýz FG» ǵarysh kemesiniń bólshekteri tabylmaı jatyr
«Soıýz-FG» zymyran tasymaldaǵyshynyń ushý traektorııasy boıynsha ǵarysh kemesiniń ekinshi jáne birinshi satylary qulaýy múmkin Qyzylorda, Pavlodar jáne Shyǵys Qazaqstan oblystary aýdandarynyń aýmaqtary zertteldi. Nátıjesinde ǵarysh kemesiniń bólshekteri tabylǵan joq», - dedi TJK baspasóz qyzmetinen.
Vedomstvo aqparatyna qaraǵanda, zymyran tasymaldaǵyshtyń birinshi jáne ekinshi satylary qulaýy múmkin aýmaqty zertteý jumystary keshe keshkisin saǵat 20-00-de aıaqtalǵan.
«Munan arǵy sharany «Roskosmos» mamandary men komıssııa júrgizetin bolady», - dep atap ótti komıtetten.
Aıta keteıik, keshe 14 saǵat 40 mınýt 15 sekýndta Baıqońyr ǵarysh aılaǵynyń Gagarın start alańynan orbıtaǵa basqarylatyn kóliktik «Soıýz MS-10» kemesin alyp shyǵýy tıis «Soıýz FG» zymyran tasyǵyshy ushyryldy. Biraq start berilgen soń birneshe mınýttan keıin Roskosmos saıtyndaǵy tikeleı kórsetilim úzilip, dıktor «zymyran tasyǵyshtyń apatqa ushyraǵanyn» habarlaǵan edi.
Osy kúni tús aýa QR ІІM Tótenshe jaǵdaılar komıtetiniń tóraǵasy Vladımır Bekker ǵaryshkerlerdiń din-aman tabylǵanyn, ekinshi satysy Jezqazǵannan 30-35 shaqyrym jerge qulaýy múmkin ekenin aıtqan edi.
Sonymen qatar ol Ǵarysh kemesi apatyn Qazaqstan men Reseıdiń úkimetaralyq komıssııasy tekseretindigin atap ótti.
Buǵan deıin TJK baspasóz qyzmeti bólshek qulaǵan jerde radıoaktıvti jáne hımııalyq ahýal normaǵa saı ekendigin habarlaǵan bolatyn.