«Soyle.kz» portalynyń mobıldik qosymshasy tanystyryldy
ASTANA. QazAqparat - Memlekettik tildi damytý qory Soyle.kz portalynyń IOS platformasyndaǵy mobıldik qosymshasy men patrıottyq taqyryptarǵa arnalǵan basqa da qosymshalardyń tusaýkeserin ótkizdi, dep habarlaıdy QazAqparat.
Mobıldi qosymshalar qazaq tilin úırenýdi kópshilikke qoljetimdi etý, qazaq halqynyń rýhanı, ádebı jáne mádenı qundylyqtaryn keńinen nasıhattaý, jastar arasynda IT-bilimderin qalyptasyrý maqsatynda jasalǵan.
«Jańa otandyq ІT-ónimder Qazaqstan Respýblıkasy Prezıdenti N.Nazarbaevtyń «Qazaqstannyń úshinshi jańǵyrýy: jahandyq básekege qabilettilik» atty Qazaqstan halqyna Joldaýyndaǵy memlekettik tildi ári qaraı damytý jáne jastardy patrıottyq sezimge tárbıeleýdegi qoıylǵan mindetterge tolyǵymen saı keledi»,-dedi QR Tuńǵysh Prezıdenti - Elbasy Qory atqarýshy dırektorynyń orynbasary Sultan Aıtjanov.
Bul ótken jyly Elbasynyń tilge qatysty jobalardy júzege asyrý úshin Qorǵa bergen qarjysyna ashylǵan Abaialemi.kz onlaın-entsıklopedııasynyń, Tattialma.kz balalar ádebı saıtynyń mobıldi qosymshalary. Sondaı-aq, «Meniń Qazaqstanym», «Qazaqstannyń uly tulǵalary», «Qazaqstannyń merekeleri» jáne tuńǵysh otandyq zııatkerlik oıyny - «Kim bilgish?» atty qosymshalar da qamtylyp otyr.
Sonymen qatar, kor Soyle.kz portalynyń jańartylǵan jáne jańa bólimdermen tolyqtyrylǵan nusqasymen tanystyrdy. Saıttyń dızaıny tehnologııalyq turǵydan búgingi zaman talaptaryna saı ózgertilgen.
Sozdik.soyle.kz , «Saıttar katalogy», «Maqal-mátelder», «Jumbaqtar men jańyltpashtar», «Búgingi kúnniń sózi», «Іs-sharalar afıshasy» sekildi jańa bólimder jasalǵan.
