«Soyle.kz» portaly fotobaıqaý uıymdastyrdy
ASTANA. QazAqparat - Memlekettik tildi damytý qory Qazaqstan halqynyń birligi kúni qarsańynda «Soyle.kz»-men birge qazaqsha úırenemiz» atty fotobaıqaý jarııalap otyr. Bul týraly qordyń baspasóz qyzmeti habarlady.
Baıqaýdyń maqsaty - qazaqstandyqtardy memlekettik tildi úırenýge yntalandyrý. Eń úzdik fotosýretter www.soyle.kz ınternet-portalynyń basqy betine qoıylady. Baıqaý talaptary boıynsha qatysýshylar portaldyń prezentatsııalyq bóligine ıllıýstratsııa retinde qoıýǵa óz fotosýretterin jiberýi tıis. Baıqaý týraly qosymsha aqparatpen Soyle.kz portalynda, Qordyń resmı saıtynda - qazaq-found.kz , VKontakte - vk.com/soyle_kz jáne Facebook praqshalarynda - on.fb.me/1mIhFZR tanysýǵa bolady. Jeńimpazdarǵa belgili jazýshylardyń qazaq tilindegi aýdıokitaptary syılyqqa tartylady.
Fotosýretter 2014 jyldyń 1 mamyrynan 1shildesine deıin qabyldanady.
Aıta keteıik, ótken jyldyń aıaǵynda Qor Qazaqstanda tuńǵysh ret qazaq tilin onlaın rejıminde tegin úıretetin «SOYLE.KZ» portalyn iske qosqan bolatyn. Ashylǵaly tórt aıdyń ishinde portalmen elimiz ben alys-jaqyn shetelderden 70 myńnan astam adam tanysyp, 8 000-ǵa jýyq paıdalanýshylar tirkelip, qazaqsha úırenýge kiristi.
