Sovmın resmı túrde Ulttyq gospıtalge aınaldy

ASTANA. QazAqparat - QR Úkimetiniń «Ortalyq klınıkalyq aýrýhana» aktsıonerlik qoǵamyn «QR PІB MO Ulttyq gospıtali» sharýashylyq júrgizý quqyǵyndaǵy respýblıkalyq memlekettik kásiporny dep ózgertý týraly qaýlysy shyqty.

Bul týraly QazAqparat QR Prezıdentiniń Іs Basqarmasynyń baspasóz qyzmetine silteme jasap.

Qaýlyda aıtylǵandaı, qaıta qurylǵan kásiporynnyń ýákiletti organy bolyp QR Prezıdenti Іs basqarmasynyń Medıtsınalyq ortalyǵy aıqyndaldy. Onyń negizgi qyzmeti – densaýlyq saqtaý salasynda qyzmet kórsetý.

Qaýly qol qoıylǵan kúnnen bastap kúshine endi.

«Ortalyq klınıkalyq aýrýhana» AQ-yn qaıta qurý kásiporyndy odan ári damytý úshin zańnamalyq turǵyda qajet ekenin atap ótken jón. Budan Sovmın patsıentteri úshin eshqandaı ózgeris bolmaıdy, aýrýhana sol ǵımaratta, sol meken-jaıda qalady.

- Gospıtaldiń basty mindeti – patsıentterimizdiń densaýlyǵyn túzeýge sapaly qyzmet kórsetý. Qurylymdyq ózgeristerdiń medıtsınalyq protsesterge áseri bolmaıdy, bul tek uıymdastyrý máselelerine qatysty. Biz onyń bárin QR PІB Medıtsınalyq ortalyǵymen birlesip, jedel rettep jatyrmyz. Sovmın qashanda otandyq medıtsınanyń kóshbasshysy bolǵan, kez kelgen zańdy formada solaı bolyp qala beredi, – dedi kásiporyn basshysy Ashat Bralov.