SOVID-19 juqtyrǵan jigit SQO-dan Kókshetaý qalasyna jetkizildi
PETROPAVL. QazAqparat – Soltústik Qazaqstan oblysyna kóktemgi egiske daıyndyq júrgizý úshin kelgen Aqmola oblysynyń turǵyny koronavırýs juqtyrǵan. Ol Kókshetaý týberkýlez dıspanserine jetkizildi, dep habarlaıdy QazAqparat tilshisi.
Búgin SQO ákiminiń orynbasary Rýslan Álishev jergilikti telearnalardyń biri arqyly onlaın brıfıng uıymdastyryp, 13 sáýir kúni óńirde tirkelgen syrqattyń jaǵdaıymen tanystyrdy.
Aqmola oblysynyń 19 jastaǵy turǵyny Aqjar, Ýálıhanov aýdandarynda kóktemgi egiske daıyndyq jumystaryn júrgizýge kelgen. Vırýs anyqtalǵannan keıin Aqjar aýdandyq aýrýhanasyna jatqyzylyp, keıin Kókshetaý qalasynyń týberkýlezge qarsy dıspanserine jetkizildi.
«Epıdemıologııalyq tergeý barysynda onymen 32 adamnyń jaqyn qatynasta, al 38-iniń baılanysta bolǵandyǵy anyqtaldy. Búginde 26 adamnyń taldaý nátıjesi keldi, olar juqtyrmaǵan. Qalǵandarynyń taldaýy jaqynda daıyn bolady», - dedi Rýslan Álishev.
Búginde Aqjar, Ýálıhanov aýdandarynda 33 adam karantındik statsıonarda jatyr, 37 adam úı karantınine alyndy.
