Sottyń saýatsyzdyǵyna narazy jýrnalıst áıeldiń ıýbkasyn kıip shyqty
ShYMKENT. QazAqparat - Ońtústik Qazaqstan oblysynda sottardyń áreketine narazy bolǵan tilshi sot ǵımaratyna áıelderdiń ıýbkasyn kıip keldi. Jergilikti gazettiń redaktory Sardar Ábdijaqııa osylaısha sotqa qatysty óziniń azamattyq pikirin bildirmek bolǵan, dep habarlaıdy QazAqparat HAA tilshisi.
Jýrnalıst óziniń áreketi arqyly kókeıinde júrgen túıtkildi máselelerdi jańadan taǵaıyndalǵan oblystyq sottyń tóraǵasyna jetkizbek boldy. Atap aıtqanda, jýyrda Maqtaaral aýdandyq sotynyń shyǵarǵan qaýlysynda tilshiniń er azamat ekenin bile tura aty-jónin áıel azamat etip jazyp jibergen. Ári bul qaýly búginde kúshine enip ketken.
«Meniń namysym taptalyp otyr. Maqtaaral aýdandyq sotynyń sýdıasy jynysymdy ózgertip jazsa, Shardara aýdandyq sottyń sýdıasy mekenjaıymdy ózgertedi. Sóıtedi de «qate ketipti, eshteńe etpeıdi, odan úlken "problema" jasaýdyń qajeti qansha» deıdi. Sonda bizderdiń namysymyz qaıda? Adam taǵdyryna arasha bolady degen sottyń saýattylyǵy qaıda? Biz kimge senýimiz kerek? Zań oryndary qatelikti saýatsyzdyqtan jiberip otyrsa, kimge ókpelep, kimnen arasha suraımyz? Endi qarańyz, osyndaı jaýapsyzdyqtyń nemese saýatsyzdyqtyń kesirinen shyǵarylǵan qaýlydaǵy qateliktiń kesiren qanshama adamdar jazyqsyz otyrǵan shyǵar? Sot oryndaryna tórelik aıtyp, baǵa bere almaımyz ǵoı? Sony bilip alǵan "saýatty" sýdıalarymyz adam taǵdyryn "uıyqtap" otyryp ta qaýly shyǵarsa, shyǵarǵan qaýlyda qateler "órip" júrse, sonda da úndemeýimiz kerek pa? Men búgin oblystyq sottyń tóraǵasy Talǵat myrzadan qaýlyny ózgertip, jynysyn er adam dep jazýdy talap etemin»,- deıdi Sardar Ábdijaqııa.
Al oblystyq sottyń ókilderi jýrnalıstiń narazylyq áreketterin sebebin tyńdap, tıisti sheshim qabyldanatynyn málimdedi. ıAǵnı, qateler túzetilip, mundaı kemshilikterge jol bergen sýdıalardyń da máseleleri qaralatyn boldy. Osyndaı jaýaptan keıin ǵana gazettiń redaktory sot ǵımaratynan shyǵyp ketti.
Aıta keteıik, óńirlik sottyń ǵımaratyna er azamattyń áıelder kıimin kıip kelip, narazylyǵyn bildirýi alǵash ret tirkelip otyr.
