Sottyń isti qaraýyn barynsha obektıvti etýge ekpin qoıylǵan - Jaqyp Asanov

NUR-SULTAN. QazAqparat – Sottyń isti qaraýyn barynsha obektıvti etýge ekpin qoıylyp otyr. Bul týraly «Qazaqstandaǵy sot júıesiniń reformasy: ozyq halyqaralyq praktıkany paıdalana otyryp, jańa syn-qaterlerdiń sheshimin tabý» atty dóńgelek ústel otyrysynda QR Joǵarǵy sotynyń tóraǵasy Jaqyp Asanov aıtty, dep habarlaıdy QazAqparat tilshisi.

«Qylmystyq protsesti shartty túrde úsh satyǵa bólýge bolady: sotqa deıingi tergeý (sotqa deıin bolatyn qadamdar), sottyń isti qaraýy jáne úkimdi oryndaý. Kez kelgen el úshin, qoǵam úshin qylmystyń beti qalaı ashylǵany, aıǵaqtar men dálelder qalaı jınalǵany mańyzdy. Sonymen qatar, qylmystyq jazalaý men basqa da mindetter qalaı oryndalyp jatqany da ózekti», - dedi J. Asanov.

Onyń aıtýynsha, bul protseste sottyń isti qaraýy mańyzdy bolyp qala beredi.

«Qylmystyq protseste únemi sottyń isti qaraýy negizgi býyn retinde bolǵan jáne solaı bola beredi de. ıAǵnı birinshi ınstantsııa aıasynda sýdıa istiń máni boıynsha qarastyrǵan kezeńdi aıtyp turmyz. Sondyqtan bizdiń sot aıyptaý paradıgmasynan erkin bolýy úshin basty sottyń isti qaraýyn qalaısha barynsha obektıvti etýdi talqylamaqpyz. Kezinde keńestik qylmystyq quqyqpen qamtylǵan barlyq elder osy sozylmaly eski muraǵa tap bolyp otyr», - dedi QR Joǵarǵy sotynyń tóraǵasy.

Aıta keteıik, is-sharany QR Joǵarǵy soty, EýroOdaq, Eýropa Keńesi jáne Venetsııa komıssııasy uıymdastyryp otyr.

Jıynǵa Qazaqstan men Qyrǵyz Respýblıkasy Joǵarǵy Sottarynyń sýdıalary, Prezıdent Ákimshiligi, Parlament, Qaýipsizdik Keńesi, Konstıtýtsııalyq Keńes, Ádilet jáne Syrtqy ister mınıstrlikteriniń, ǵylymı ortanyń, Eýropa Keńesi men Eýro Odaqtyń, halyqaralyq uıymdar men sheteldik zańgerlik qaýymdastyqtyń ókilderi qatysyp jatar.