Sottylyq jónindegi anyqtama budan bylaı «1 aryz - 8 kún» tártibimen beriledi
«Kelesi qaǵıda - qyzmetterdi anyqtamasyz kórsetýge kóshý. Birinshiden, memlekettik organdardyń azamattardan anyqtamany talap etýin boldyrmaý úshin olardyń aqparattyq júıeleriniń arasynda 88 yqpaldastyrý boıynsha jumys júrgizemiz. Sondaı-aq, jeke uıymdar úshin azamattardyń kelisimimen olarǵa qatysty anyqtamalardy beretin e.gov portalynda arnaıy servısti iske qostyq», - dedi Abylaıhan Ospanov halyqty tsıfrlyq saýattandyrý máselesi qaralǵan Úkimet otyrysynda.
Anyqtamalardyń qysqarýymen birge, memlekettik korporatsııa «Bir ótinish» qaǵıdasyn qoldanysqa engizýde.
««Bir ótinish» qaǵıdasyna kóshýge mysal retinde qyzmettiń kelesi túrin keltirýge bolady. Buryn adamnyń sottylyǵy joqtyǵy týraly qoltańba qoıylǵan anyqtamany alý úshin 2 aryz, 22 kún qajet bolatyn. Endi 8 kún jáne 1 ǵana aryz qajet. Osy qaǵıda boıynsha 32 qyzmet túrin ońtaılandyryp, olardyń merzimin ortasha eseppen 120 kúnge qysqartamyz. Sonymen birge, TMD elderinde teńdesi joq «Jańa qaǵıda» qyzmetterdi proaktıvti kórsetý jumysy da bar», - dedi ol.
«Jańa qaǵıdanyń» dáleli retinde Abylaıhan Ospanov ótken jyldyń aıaǵynan bastap balanyń ómirge kelýine baılanysty 4 qyzmet túrin SMS-habarlama arqyly alýǵa bolatynyn, jyldyń sońyna deıin tórt óńirlik jaǵdaı boıynsha taǵy 14 qyzmet proaktıvti qaǵıdasyna aýystyrylatynyn aıtty.
«Memlekettik qyzmetterdi elektrondy formatqa aýystyrý HQKO-lardyń transformatsııalanýyna ákelip otyr. Elimizde azamattardy qyzmet alýǵa óz betinshe úıretetin Tsıfrlyq HQKO-ny asha bastadyq. Eń alǵashqysy Astanada ashyldy. Osylaısha, memlekettik korporatsııa Aqparat jáne kommýnıkatsııalar mınıstrliginiń basshylyǵymen halyqtyń tsıfrlyq saýattylyǵyn arttyrý tapsyrmasyn da oryndap jatyr», - dedi memlekettik korporatsııanyń basqarma tóraǵasy.
