Sottardyń jumysyn jańa sapaly deńgeıge shyǵarýǵa barlyq múmkindik bar - Joǵarǵy sot tóraǵasy
ASTANA. 10 mamyr. QazAqparat - QR Joǵarǵy sotynyń tóraǵasy Bektas Beknazarov jumys saparymen astanalyq sotta boldy,
dep habarlady Astana qalalyq sotynyń baspasóz qyzmeti.
Sapar barysynda Joǵarǵy sot tóraǵasy sýdıalarmen keńes ótkizdi. Óz sózinde Bektas Beknazarov Qazaqstan Respýblıkasyndaǵy sot júıesiniń qazirgi ahýalyna toqtala kele, sot júıesiniń shynaıy táýelsizdigin qamtamasyz etý jónindegi aldaǵy maqsattary men josparlarymen, qoǵam tarapynan sottarǵa senimdi arttyrýdy damytý boıynsha atqarylar sharalar jaıly áńgimelep berdi.
Sonymen qatar, Bektas Beknazarov astanalyq sotta sottardyń jumysyn jańa sapaly deńgeıge shyǵara alatyn barlyq múmkindikter men úlken kadrlyq áleýet bar ekendigin de atap ótti.
