Sottar memleketke 165 mlrd teńgege jýyq zańsyz aktıvterdi qaıtarýǵa sheshim shyǵardy
ASTANA. KAZINFORM – Bas prokýratýra byltyr sottar memleketke 165 mlrd teńgege jýyq zańsyz aktıvterdi qaıtarý týraly sheshim shyǵarǵanyn habarlady.
Erikti tetiktermen qatar aktıvterdi qaıtarýdyń májbúrli sharalary da qoldanylady. Bul sýbektiler memleketpen dıalogqa daıyndyq tanytpaǵan nemese aktıvterdiń zańdylyǵyna qatysty negizdi kúmánder bolǵan jaǵdaıda júzege asyrylady.
Prokýratýra organdarynyń talap-aryzdary boıynsha sottar memleketke shamamen 165 mlrd teńge kólemindegi aktıvterdi májbúrli túrde qaıtarý týraly sheshim qabyldady.
Tek 2025 jyldyń ózinde sottar memleketke 148,6 mlrd teńge kólemindegi aktıvterdi qaıtarý týraly sheshimder qabyldady.
Sondaı-aq zańdy iske asyrý sheńberinde aktıvterdi erikti túrde qaıtarýǵa erekshe nazar aýdarylyp otyr. Zań sýbektilerimen jáne olarmen affılırlengen tulǵalarmen 70-ten astam kelisim jasaldy.
Áńgime aktıvterdi memleketke erikti túrde berý, ınvestıtsııalyq jáne áleýmettik jobalardy iske asyrý, sondaı-aq kináni moıyndaý jáne zańsyz alynǵan aktıvterdi qaıtarý týraly protsestik kelisimder jóninde bolyp otyr.
Prokýratýranyń málimetinshe, kóptegen jaǵdaıda aktıv ıeleri erikti túrde qaıtarý tetikterin tańdaıdy. Olardyń qatarynda memlekettik bıýdjetti tolyqtyrý, múlikti zattaı túrde berý jáne kapıtaldy el ekonomıkasyna qaıta ınvestıtsııalaý bar.
Eske sala ketsek, byltyr memleketke qansha zańsyz aktıv qaıtaryldy jáne qarajat qaıda jumsalǵanyn jazdyq.
Sonymen qatar Bas prokýratýra aktıvterdi qaıtarýda halyqaralyq yntymaqtastyqty damytyp keledi.
