Sottar keıbir bala asyrap alýshylardyń ótinishin Konstıtýtsııaǵa qaıshy normaǵa súıenip, qaraýsyz qaldyrǵan
«Quqyq qoldaný praktıkasy kórsetip otyrǵandaı, bekitilgen tetikter osy konstıtýtsııalyq quqyqty árdaıym tolyqqandy iske asyrýǵa múmkindik bermeıdi», - degen Konstıtýtsııalyq sot tóraǵasy naqty mysaldar keltirdi.
«Atap aıtqanda, Konstıtýtsııalyq sot azamat sotqa júgingen kezde memlekettik baj mólsheri aqylǵa qonymdy, negizdelgen jáne mólsherles bolýǵa tıis dep atap ótti. Sondaı-aq, ońaılatylǵan tártippen bala asyrap alý týraly sotqa aryz bergen kezde molekýlıarlyq-genetıkalyq saraptama qorytyndysy bolý mindettiligi týraly qosymsha ımperatıvtik talap konstıtýtsııalyq emes dep tanyldy. Sottar úshin mundaı qorytyndynyń bolmaýy azamattyń aryzyn qaraýsyz qaldyrýǵa negiz bolǵan. Rásim memlekettik organdar men sottardyń bala múddelerin barynsha qamtamasyz etý mindetine sáıkes kelmeıdi. Bul – Qazaqstan ratıfıkatsııalaǵan Birikken Ulttar Uıymynyń Bala quqyqtary týraly konventsııasynyń talaby», - dedi ol.
